LS Auto Unveils the Future — Countdown Begins!

नेपाली इलेक्ट्रिक सवारी बजारमा आक्रामक विस्तार गरिरहेको LS Auto ले दुई नयाँ इलेक्ट्रिक मोडेलहरू — LEV 05 र LEV 0X — सार्वजनिक गर्ने तयारी गरिरहेको छ। कम्पनीका जनरल म्यानेजर नविन फुयालका अनुसार, यी दुबै मोडेलहरू NAIMA Mobility Expo 2025 र त्यसपछिको NADA Auto Show 2025 मार्फत औपचारिक रूपमा प्रस्तुत गरिनेछन्। पहिले नै LEV 01 मोडेलद्वारा ग्राहकको राम्रो प्रतिक्रिया बटुलिसकेको कम्पनी अब अझ फराकिलो दायरामा उपभोक्ताको आवश्यकतालाई सम्बोधन गर्न लागिपरेको छ।

LEV 05 मोडेल एक प्रिमियम ह्याचब्याक हो, जसले नेपाली शहर भित्रको दैनिकीलाई ध्यानमा राखेर डिजाइन गरिएको छ। यो सवारीमा 56  kWh क्षमताको LFP ब्याट्री जडान गरिएको छ, जसले सामान्य अवस्थामा 400 किलोमिटरभन्दा बढी दूरी तय गर्न सक्छ। 50  kW को फ्रन्ट-ह्वील मोटर र 180  Nm टर्क प्रदान गर्ने यो मोडेलले दक्षता र सादगीको सन्तुलन कायम राखेको छ। साथै, 60  kW DC फास्ट चार्जिङ र 7  kW AC चार्जिङ सपोर्टले यसलाई सुविधाजनक बनाउँछ। प्रिमियम प्रविधिहरू भए पनि यसको मूल्य सरकारको कम कर दर अन्तर्गत पर्ने अनुमान गरिएको छ, जसले यसलाई मध्यम बजेट भएका ग्राहकहरूका लागि पनि सुलभ बनाउनेछ।

अर्कोतर्फ, LEV 0X कम्पनीको SUV सेग्मेन्टमा ल्याइने शक्तिशाली मोडेल हो, जसमा डुअल-मोटर प्रणालीमार्फत All-Wheel Drive (AWD) क्षमता दिइएको छ। यो सवारीमा 77  kWh को उच्च क्षमताको ब्याट्री प्रयोग गरिएको छ, जसले झन् उन्नत ड्राइभिङ्ग अनुभव प्रदान गर्नेछ। नविन फुयालका अनुसार, LEV 0X मा पूर्ण रूपमा पुनः डिजाइन गरिएको इन्टेरियर, नयाँ AC भेन्ट्स, हाइड्रोलिक बोनट, र “फ्रन्क ट्रंक” जस्ता आधुनिक विशेषताहरू उपलब्ध छन्। 210  mm ग्राउण्ड क्लियरेन्ससहित, यो सवारी नेपाली भू-प्रकृतिमा सजिलै अनुकूल हुने किसिमले तयार पारिएको छ।

यी दुवै मोडेलहरू चिनियाँ कम्पनी Shanghai Launch Automotive Technology Co., Ltd. द्वारा निर्माण गरिएका हुन्। यो कम्पनीको Jiangxi मा अवस्थित उत्पादन केन्द्रबाट वार्षिक 1.5 लाख भन्दा बढी युनिट EV उत्पादन हुन्छ। चिनियाँ बजारमा स्थापित भइसकेको यो ब्रान्ड अहिले 11 देशहरूमा विस्तार भइसकेको छ, र नेपाल त्यसै अन्तर्गतको एक महत्वपूर्ण बजार बनेको छ।

LS Auto ले ग्राहक सेवा सुदृढ बनाउन तिनकुनेमा नयाँ शोरुम सञ्चालनमा ल्याएको छ, जुन एयरपोर्ट कार्गो टर्मिनल नजिकै अवस्थित छ। साथै, कालोपुलमा सेवा केन्द्र सञ्चालन भइसकेको छ भने, देशभर चार्जिङ नेटवर्क विस्तार गर्ने योजना पनि अगाडि बढाइएको छ।

नविन फुयालका अनुसार, यी मोडेलहरू केवल व्यापारिक उपलब्धि मात्र होइन, नेपालमा दिगो र स्वच्छ यातायात प्रणालीको सम्भावना पनि हुन्। LS Auto को लक्ष्य केवल गाडी बेच्नु होइन — उपभोक्तालाई नयाँ स्तरको मूल्य, प्राविधिक नवप्रवर्तन र भरपर्दो सेवा अनुभव गराउनु हो।