अल्ट्राभायोलेट नेपालले NAIMA expo २०२५ मा F77 Mach 2 सार्वजनिक गर्यो, जान्नुहोस यसका फिचर

काठमाडौं । अल्ट्राभायोलेट नेपालले NAIMA कन्भेन्सन २०२५ मा आफ्नो प्रमुख इलेक्ट्रिक मोटरसाइकल F77 Mach 2 को भव्य उद्घाटन गरेको छ। स्टल C1 मा प्रदर्शित यो अत्याधुनिक ई-बाइकले उपस्थित दर्शकको मन जित्न सफल भएको छ। नेपालकै प्रमुख अटोमोटिभ प्रदर्शनीमा यो क्रान्तिकारी पावर-बाइक केन्द्रबिन्दु बनेको थियो, जसको अनुभव लिन बाइक तथा विद्युतीय सवारीप्रेमीहरू उत्साहित देखिएका थिए।

एभिएशन-प्रेरित डिजाइन र अत्याधुनिक प्रविधिसहित आएको F77 Mach 2 ले १५५ किमी/घण्टा सम्मको शीर्ष गति, १०० Nm टर्क र Recon भेरियन्टमा ३२३ किमी (IDC प्रमाणित) सम्मको दायरा प्रदान गर्दछ। यसमा अल्ट्राभायोलेटको स्वामित्वयुक्त SRB-10 ब्याट्री प्रविधि प्रयोग गरिएको छ, जसले लामो दूरीको प्रदर्शनसँगै थर्मल, इलेक्ट्रिकल, मेकानिकल, इलेक्ट्रोनिक र सफ्टवेयर सुरक्षाका पाँच तह प्रदान गर्छ। यो उद्योगमै पहिलो पटक १,००,००० किमी वा ५ वर्षको ब्याट्री वारन्टीसहित आएको छ।

सुरक्षा र राइडिङ अनुभवलाई प्रिमियम स्तरमा पुर्‍याउन यसमा १०-स्तरको डाइनामिक रिजनरेटिभ ब्रेकिङ, ४-स्तरको ट्र्याक्सन कन्ट्रोल, डाइनामिक स्टेबिलिटी कन्ट्रोल (DSC), स्विचेबल डुअल-च्यानल ABS, हिल-होल्ड, र ५ इन्चको कनेक्सनयुक्त TFT डिस्प्ले जस्ता सुविधा उपलब्ध छन्। साथै, Violette AI Smart Tech इकोसिस्टममार्फत मुभमेन्ट तथा टोइङ अलर्ट, क्र्यास डिटेक्सन, रिमोट लकडाउन, र रियल-टाइम डायग्नोस्टिक्सजस्ता स्मार्ट सुरक्षा फिचरहरू पनि प्रदान गरिएको छ।

कम्पनीले आगामी २०२६ को पहिलो चौमासिकमा नेपालमा दुई नयाँ मोडेल ल्याउने घोषणा समेत गरेको छ –

Tesseract, शहरी चालकका लागि प्रिमियम इलेक्ट्रिक स्कूटर, जसमा ३.५ kWh ब्याट्री, १२५ किमी/घण्टा शीर्ष गति, ०-६० किमी/घण्टा २.९ सेकेन्डमा पुग्ने क्षमता, र डुअल ड्यासक्याम, ब्लाइन्ड स्पट डिटेक्सन, कोलिजन अलर्टजस्ता उन्नत सुरक्षा सुविधा छन्।

Shockwave, साहसिक यात्राका लागि डिजाइन गरिएको अफ-रोड इलेक्ट्रिक डर्ट बाइक, जसको विस्तृत विवरण पछि सार्वजनिक गरिनेछ।

अल्ट्राभायोलेट नेपालका बिक्री प्रमुख दुर्गेश थापाले भने, “NAIMA मा पाएको प्रतिक्रिया अत्यन्तै उत्साहजनक छ। नेपालका चालकहरू प्रदर्शन-केन्द्रित र वातावरणमैत्री मोबिलिटीका लागि तत्पर छन्, र F77 Mach 2 ले त्यही अपेक्षा पूरा गरेको छ। अब हामी Tesseract र Shockwave नेपालमा ल्याउन आतुर छौं।”