झम्सिखेलस्थित 'द प्लाजा' मा आयोजित भव्य समारोहबीच JCB NXT 221 LC फ्युल मास्टर र JCB NXT 225 LCM ट्र्याक्ड एक्साभेटरहरू नेपालमा लन्च गरिएका छन्। सो कार्यक्रममा सरकारी अधिकारी, निर्माण व्यवसायी, ग्राहक तथा डिलरहरू गरी करिब ७०० जना सरोकारवालाहरूको उपस्थिति रहेको थियो।

JCB NXT सिरिजका यी अत्याधुनिक एक्साभेटरहरू विशेषगरी नेपालको पूर्वाधार विकास, जलविद्युत् परियोजना, सडक निर्माण तथा शहरी विस्तार कार्यहरूमा प्रभावकारी समाधान दिन लक्षित छन्।

JCB NXT 221 LC फ्युल मास्टर – उच्चतम ऊर्जा दक्षता प्रदान गर्ने यो मेसिन कम इन्धन खपतमा उत्कृष्ट उत्खनन क्षमता राख्दछ।

JCB NXT 225 LCM ट्र्याक्ड एक्साभेटर – यसमा अत्याधुनिक हाइड्रोलिक प्रणाली जडान गरिएको छ, जसले निर्माण कार्यको उत्पादकत्व उल्लेखनीय रूपमा बढाउँछ।

कार्यक्रममा JCB इन्डियाका सीईओ तथा एमडी श्री दीपक शेट्टी र एमएडब्लू अर्थमुभर्स प्रा.लि.का अध्यक्ष श्री विष्णु अग्रवाल को विशेष उपस्थिति रहेको थियो। साथै, JCB एक्साभेटर खरिद गर्ने ११ जना ग्राहकहरूलाई साँचो हस्तान्तरण गरिएको थियो।

JCB को यो नयाँ सिरिजले नेपालको विकासशील पूर्वाधार बजारलाई नयाँ प्रविधिसहित सशक्त बनाउने विश्वास गरिएको छ। “लिडर इन एक्साभेटर” भन्ने थिममा आयोजित यो लन्च कार्यक्रमले JCB को नवीनतम उत्खनन प्रविधि र टिकाउ निर्माण मेसिनरीप्रति प्रतिबद्धतालाई उजागर गरेको छ।

JCB NXT सिरिजको आगमनसँगै नेपाली निर्माण व्यवसायीहरूले अत्याधुनिक प्रविधि, उच्च उत्पादकत्व र दक्षतायुक्त उत्खनन मेसिनरी प्रयोग गर्ने अवसर प्राप्त गर्नेछन्। यसले नेपालमा पूर्वाधार विकासलाई तीव्रता दिन महत्वपूर्ण भूमिका खेल्ने अपेक्षा गरिएको छ।