रणनीतिक योजनामा केन्द्रित यो सभामा सदस्यहरूको ऐतिहासिक सहभागिता रहेको थियो।

नाडाका हाल नवीकरण भएका १,५४८ सदस्यमध्ये १,४८३ जना सदस्यहरूको प्रत्यक्ष उपस्थितिमा सभा सम्पन्न भएको हो। यो उच्च सहभागिताले संस्थाप्रति सदस्यहरूको बलियो विश्वास र एकताको प्रमाणित गरेको नाडाले जनाएको छ। सभा जिल्ला प्रशासन कार्यालयको निर्देशन र समन्वयमा प्रचलित कानुनी प्रावधानअनुसार आयोजना गरिएको तथा यो विशुद्ध आन्तरिक प्रक्रिया भएकाले बन्द सत्रमा मिडिया प्रतिनिधिहरूलाई आमन्त्रित नगरेको स्पष्ट पारिएको छ।

सभामा संस्थाका विभिन्न एजेन्डा र औपचारिक कार्यसूचीमाथि विस्तृत छलफल गर्दै सर्वसम्मत रूपमा प्रस्तावहरू पारित गरिएको छ। आगामी दिनका लागि संस्थागत नीति, संरचना, पारदर्शिता र रणनीतिक मार्गचित्रबारे गम्भीर बहस भएको तथा अटोमोबाइल व्यवसायीहरूबीच सहकार्य, व्यावसायिक हकहित संरक्षण र जिम्मेवार परिचालनका विषयमा रचनात्मक विचारविमर्श भएको छ। सदस्यहरूको उच्च अनुशासन र व्यवस्थित व्यवस्थापनका कारण सभा सौहार्दपूर्ण वातावरणमा सम्पन्न भएको छ।

सभाको महत्वपूर्ण निर्णयका रूपमा नाडाको नयाँ कार्यसमिति चयनका लागि यही २०८२ पुस २५ गते निर्वाचन गर्ने मिति तोकिएको छ। यसैगरी, नाडालाई महासंघमा रूपान्तरण गर्ने औचित्य र आवश्यकतामाथि छलफल गर्दै प्रचलित कानूनअनुसार महासंघमा समावेश हुने प्रस्ताव पनि सर्वसम्मत पारित भएको छ।

नाडा अटोमोबाइल्स एसोसिएसन अफ नेपालले सम्पूर्ण सदस्यहरूको अटुट विश्वास, साथ र समर्थनप्रति हार्दिक आभार व्यक्त गर्दै आगामी दिनमा पनि कानुनी मापदण्डको पूर्ण पालना गर्दै पारदर्शी र जिम्मेवार संस्थाको रूपमा अगाडि बढ्ने प्रतिबद्धता दोहोर्‍याएको छ।

UNITREE (MAW वृद्घि) को शीर्ष प्रायोजनमा आयोजना हुने यो शो नेपालको अटोमोबाइल इतिहासमा अहिलेसम्मकै ठूलो र सर्वाधिक भव्य संस्करण बन्ने अपेक्षा गरिएको छ। नाडा अटोमोबाइल्स एशोसिएसन अफ नेपालद्वारा आयोजित यस शोको औपचारिक उद्घाटन नेपाल सरकारका उपप्रधानमन्त्री एवं अर्थमन्त्री श्री विष्णु प्रसाद पौडेलज्यूले गर्ने कार्यक्रम तय भएको छ।

नाडा अटो शो केवल सवारी साधनको प्रदर्शनी मात्रै नभई नेपालको दिगो, स्मार्ट र भविष्यमुखी मोबिलिटीको प्रतिबिम्ब हो। “Go For More” भन्ने शक्तिशाली नारासहित आयोजना हुने यस शोले नयाँ प्रविधि, ग्राहक संलग्नता र अटोमोबाइल पारिस्थितिकी तन्त्रका सबै पक्षलाई एउटै छानामुनि ल्याउनेछ।

यस पटकको नाडा अटो शो २०२५ मा UNITREE रोबोट्स जस्ता स्वचालन र कृत्रिम बुद्धिमत्तामा आधारित उन्नत चारपांग्रे रोबोटदेखि लिएर Deepal eVTOL UAV सम्मका नवीनतम प्रविधिहरू प्रदर्शित हुनेछन्। Deepal eVTOL UAV नेपालको शहरी हवाई यातायातमा क्रान्ति ल्याउने सम्भावना भएको भविष्यतर्फको कदम हो, जसले शहरी क्षेत्रमा भीडभाड घटाउँदै स्मार्ट सहर अवधारणा साकार पार्न योगदान पुर्याउने विश्वास लिइएको छ।

यस अटो शोमा १९ वटा चारपांग्रे ब्रान्ड, १३ वटा हल्का व्यावसायिक सवारी ब्रान्ड, ४ वटा दुईपांग्रे ब्रान्ड, र ३५ कम्पनी (ल्युब्रिकेन्ट, टायर, ब्याट्री, ग्यारेज उपकरण र वित्तीय संस्थाहरू) को सहभागिता रहनेछ। १२५ भन्दा बढी प्रदर्शकहरू सहभागी हुने यस शोमा १ लाखभन्दा बढी आगन्तुकको उपस्थिति रहने अपेक्षा गरिएको छ। यो प्रदर्शनी ३ लाख वर्गफुट क्षेत्रमा फैलिएको हुनेछ भने १,६२,५०० वर्गफुट प्रदर्शनी क्षेत्र नै नेपालमा अहिलेसम्मकै ठूलो अटो शोको प्रमाण हुनेछ।

यस ऐतिहासिक कार्यक्रमलाई सफल बनाउन विभिन्न साझेदार संस्थाहरूको विशेष सहयोग रहेको छ। UNITREE शीर्ष प्रायोजकका रूपमा रहेको छ भने Shikhar Insurance सह-प्रायोजक, CCampa Cola पावर्ड बाइ पार्टनर, Yango मोबिलिटी पार्टनर, Khalti अग्रिम टिकटिङ पार्टनर, WorldLink इन्टरनेट पार्टनर, CCTV Nepal सुरक्षा साझेदार, Himalayan Safety Solutions अग्नि सुरक्षा साझेदार, Kist Hospital स्वास्थ्य साझेदार र The Plaza आतिथ्य साझेदार रहेका छन्। टिकट खल्ती एपमार्फत प्रि-बुकिङ गर्दा भदौ २ सम्म २०% क्यासब्याकको सुविधा पनि उपलब्ध छ।

शो अवधिमा सर्वसाधारणको सहजताका लागि क्षेत्र विशेषमा जोन विभाजन गरिएको छ जसमा चारपांग्रे, दुईपांग्रे, व्यावसायिक सवारी, अटो पार्ट्स र वित्तीय सेवा अलग अलग जोनमा प्रदर्शित हुनेछन्। सञ्चारकर्मीहरूका लागि मिडिया डेस्क, ट्राफिक सूचनाको लागि महानगरीय ट्राफिक प्रहरी साझेदारीमा ट्राफिक सूचना डेस्क, आपतकालीन स्वास्थ्य टोली, सुरक्षा निगरानी, र अग्नि नियन्त्रण व्यवस्था जस्ता समग्र पूर्वतयारी गरिएको छ।

कार्यक्रमको प्रमुख आकर्षणमा विन्टेज मोटर शो पर्छ जसमा ऐतिहासिक महत्व बोकेका Morris Minor, Fiat, Peugeot, Beetle, Mini Cooper, Toyota RT, Mercedes Benz, VW Bus, Toyota Corolla, Mazda Familia, Toyota MR2 जस्ता गाडीहरूको अद्भुत प्रदर्शनी हुनेछ। साथै, Made In Nepal Pavilion मार्फत नेपालमै निर्मित सवारी साधन र पार्ट्सको प्रदर्शनी गरिनेछ जसले स्वदेशी उत्पादन र नवप्रवर्तनलाई प्रवर्द्धन गर्नेछ। International Business Pavilion ले अन्तर्राष्ट्रिय लगानी र सहकार्यलाई प्रोत्साहन गर्ने मंचको काम गर्नेछ।

सेमिनार, कार्यशाला, अन्तरक्रिया कार्यक्रमहरू पनि आयोजना गरिनेछ जसमा ईभी स्मार्ट मोबिलिटी र दिगोपन सम्बन्धी विषयमा विज्ञहरूसँग प्रत्यक्ष छलफल र सिकाइको अवसर पाइनेछ।

१६ संस्करणसम्मको सफल इतिहास, अग्रणी ब्रान्डहरूको सहभागिता, लाखौं दर्शकहरूको विश्वास र स्थायित्वको आधारमा नाडा अटो शो नेपालकै अटो उद्योगको सबैभन्दा प्रतिष्ठित मञ्चको रूपमा स्थापित भइसकेको छ। यहाँ कतिपय कम्पनीहरूले आफूलाई ठूलो भनेर दाबी गरे पनि नाडाले निरन्तरता, तथ्य र विश्वसनीयताबाट आफैलाई प्रमाणित गरिसकेको छ।

उपभोक्ता, प्रविधिप्रेमी, उद्योग विश्लेषक वा अटोमोबाइल व्यवसायी जुनसुकै समूहका व्यक्तिको लागि पनि नाडा अटो शो २०२५ नयाँ प्रविधि अनुभव गर्ने, सम्भावनाहरू अन्वेषण गर्ने र स्मार्ट तथा दिगो मोबिलिटीका समाधानबारे बुझ्ने उत्कृष्ट अवसर हुनेछ। यसपटकको नाराले जस्तै, अब तपाईंको पालो “Go For More!”

गर्न मिति २०८२ भाद्र २४ गते, मङ्गलबार बिहान ११:०० बजे द प्लाजा, झम्सिखेल, ललितपुरमा विशेष साधारण सभा बोलाउने निर्णय भएको छ।

नाडाका केन्द्रीय कार्यसमितिले गरेको यो निर्णयलाई कार्यान्वयनमा लैजान सम्पूर्ण सदस्यहरूको सक्रिय सहभागिता र निर्णायक भूमिका अपरिहार्य रहेको बताइएको छ। नाडाका सदस्यहरूको लामो समयदेखिको चाहना र आकांक्षालाई मूर्त रूप दिन यो कदम चालिएको हो। यो निर्णयले नाडालाई राष्ट्रिय स्तरको संस्थाको रूपमा स्थापित गर्नुका साथै सदस्यहरूको हकहितको समुचित संरक्षण गर्ने विश्वास गरिएको छ।

नाडाले सम्पूर्ण सदस्यहरूलाई विशेष साधारण सभामा गरिमामय उपस्थितिको लागि हार्दिक अनुरोध गरेको छ। यो सभाले नाडाको भविष्यलाई थप सुदृढ र प्रभावकारी बनाउन महत्वपूर्ण योगदान पुग्ने अपेक्षा गरिएको छ।

अध्यक्षता थापाथली क्याम्पस प्रमुख डा. खेम ज्ञवालीले गर्नुभएको थियो। मुख्य विषय “Completely Knocked Down (CKD) Vehicle Assembly: Opportunities, Challenges, and the Way Forward” रहेको यस संवादमा करिब २०० जना सहभागीहरूले भाग लिएका थिए।

कार्यक्रममा प्राविधिक प्रस्तुति र प्यानल छलफल आयोजना गरिएको थियो। प्राविधिक प्रस्तुतिको सहजीकरण थापाथली क्याम्पसका सहायक प्राध्यापक इ. लोचन केन्द्र देवकोटाले गर्नुभएको थियो।

प्यानल छलफलमा सहभागी हुनुहुनेहरूमा यातायात व्यवस्था विभागका प्राविधिक निर्देशक श्रीकान्त यादव, उद्योग प्रतिनिधि तथा NAIMA बोर्ड सदस्य शेखर गोल्छा, र थापाथली क्याम्पसका डेपुटी इन्स्ट्रक्टर लक्ष्मण पन्थी हुनुहुन्थ्यो।

कार्यक्रमको स्वागत मन्तव्य इन्जिनियर देवेन्द्रबहादुर राउत (अटोमोबाइल तथा मेकानिकल इन्जिनियरिङ विभाग प्रमुख) र NAIMA सदस्य तथा सारदा ग्रुपका निर्देशक गौरव सारदाले दिनुभएको थियो। सारदाले CKD Vehicle Assembly लाई Make in Nepal नीतिसँग जोडेर व्यावहारिक औद्योगिक मोडेलका रूपमा प्रस्तुत गर्दै यसले दक्ष जनशक्ति विकास, युवा रोजगारी सिर्जना, प्रविधि हस्तान्तरण र स्थानीय आपूर्ति शृङ्खलाको विकासमा महत्वपूर्ण योगदान दिने बताउनुभयो।

प्यानल छलफलका क्रममा वक्ताहरूले मानव संसाधन विकास, प्रविधि उन्नयन र नीतिगत स्थिरता बिना दिगो औद्योगिक विकास सम्भव नहुनेमा जोड दिए। भारत, चीन जस्ता मुलुकहरूको अनुभवले CKD एसेम्बलीलाई औद्योगिकीकरणको प्रारम्भिक आधारका रूपमा सफल देखाएको उल्लेख गर्दै नेपालको सन्दर्भमा यसको दीर्घकालीन सम्भावनाबारे चर्चा गरियो।

कार्यक्रमको सहजीकरण NAIMA का कार्यकारी निर्देशक राजकुमार दुलालले गर्नुभएको थियो। उहाँले NAIMA Mobility Sanbad लाई आगामी दिनमा थप फराकिलो सहभागिता र सहकार्यका साथ निरन्तरता दिने तथा दसौं श्रृङ्खला पुल्चोक क्याम्पसमा आयोजना गर्ने योजना रहेको जानकारी गराउनुभयो।

समापन मन्तव्य काठमाडौं उपत्यका ट्राफिक प्रहरी कार्यालयका प्रमुख एसएसपी नवराज अधिकारी तथा NAIMA बोर्ड सदस्य यमुना श्रेष्ठले दिनुभएको थियो। एसएसपी अधिकारीले आधुनिक सवारी प्रविधि (emerging vehicle technology) बारे ट्राफिक प्रहरी तथा चालकहरूलाई शिक्षित गर्न NAIMA को पहलको उच्च प्रशंसा गर्नुभयो र हालै ट्राफिक प्रहरीलाई गरिएको सहयोगप्रति आभार व्यक्त गर्नुभयो।

यमुना श्रेष्ठले CKD एसेम्बली, नीतिगत स्थिरता तथा शैक्षिक संस्था, सरकार र निजी क्षेत्रको त्रिपक्षीय सहकार्यबाट मात्र नेपालको अटोमोबाइल उद्योगलाई दिगो र प्रतिस्पर्धी बनाउन सकिने धारणा राख्नुभयो।

AMESIN (Automobile and Mechanical Engineering Students Innovative Network) को संयोजनमा सम्पन्न यस कार्यक्रममा खुला अन्तर्क्रिया र प्रश्नोत्तर सत्र पनि सञ्चालन गरिएको थियो।

NAIMA ले यस्ता मासिक मोबिलिटी संवाद हरूलाई निरन्तरता दिँदै अटोमोबाइल तथा मोबिलिटी क्षेत्रका समसामयिक विषयमा जानकारी आदान-प्रदान, सरोकारवालाको क्षमता अभिवृद्धि तथा नीतिगत/संरचनागत चुनौतीहरूको सहकार्यात्मक समाधान खोज्ने उद्देश्य राखेको छ।

यो कार्यक्रमले नेपालमा स्थानीय स्तरमा सवारी साधन उत्पादन (local manufacturing), रोजगारी सिर्जना, सीप विकास र मूल्य शृङ्खला विस्तारका सम्भावनाहरूलाई थप उजागर गरेको छ।

विकासलाई तीव्रता दिँदै सन् २०२७ देखि २०२८ भित्र बजारमा ल्याउने घोषणा गरेको छ।

टोयोटाले सार्वजनिक गरेको जानकारीअनुसार, नयाँ सोलिड स्टेट ब्याट्रीले अहिलेको लिथियम आयन ब्याट्रीभन्दा धेरै गुना उत्कृष्ट प्रदर्शन गर्नेछ। कम्पनीका अनुसार, यो ब्याट्रीले एकपटकको चार्जमा १,२०० किलोमिटर सम्म यात्रा गर्न सक्नेछ र १० मिनेटमै १० देखि ८० प्रतिशत सम्म चार्ज हुने क्षमता राख्नेछ।

सोलिड स्टेट ब्याट्री के हो?

सोलिड स्टेट ब्याट्री भन्नाले यस्तो ब्याट्री हो जसमा तरल इलेक्ट्रोलाइटको सट्टा ठोस इलेक्ट्रोलाइट प्रयोग गरिन्छ। परम्परागत लिथियम आयन ब्याट्रीमा जस्तो आगलागी वा विस्फोटको सम्भावना निकै न्यून हुन्छ। साथै, यसको आयु लामो हुन्छ, चार्ज हुन सजिलो हुन्छ र कार्यक्षमता उच्च हुन्छ।

टोयोटाले सन् २०३० भित्र १० लाख भन्दा बढी विद्युतीय सवारी उत्पादन गर्ने लक्ष्य लिएको छ। यस्को लागि सोलिड स्टेट ब्याट्री मुख्य आधार बन्नेछ। कम्पनीले जापानमा रहेको आफ्नै प्रयोगशालामा यस प्रविधिमा अनुसन्धान गरिरहेको छ र व्यावसायिक उत्पादनको तयारी अन्तिम चरणमा पुगेको जानकारी दिएको छ।

सोलिड स्टेट ब्याट्रीका प्रमुख फाइदाहरू:

छिटो चार्ज हुने क्षमता: केही मिनेटमै चार्ज गर्न मिल्ने।

लामो रेंज: एक पटकको चार्जमा हजार किलोमिटरभन्दा बढी यात्रा सम्भव।

सुरक्षा: आगलागी वा विस्फोटको जोखिम नगन्य।

टिकाउपन: परम्परागत ब्याट्रीको तुलनामा बढी टिक्ने।

केही चुनौतीहरू पनि छन्

यस्तो ब्याट्री उत्पादनको लागत अहिलेसम्म अझै महँगो रहेको छ। त्यसैगरी, ठूलो मात्रामा उत्पादन गर्दा तापक्रम नियन्त्रण र स्थायित्व जस्ता प्रविधिगत चुनौतीहरू छन्। तर, टोयोटाले यी सबै चुनौतीलाई पार गर्दै यसको व्यावसायिक उत्पादन सम्भव बनाउने दाबी गरेको छ।

टोयोटाको सोलिड स्टेट ब्याट्री प्रविधि सफल भएमा, विद्युतीय सवारीसाधनको दुनियाँमा एक नयाँ युगको शुरुवात हुनेछ। उपभोक्ताले अझ सुरक्षित, भरपर्दो र उच्च प्रदर्शन दिने गाडी पाउनेछन्। यो प्रविधिले सिंगो सवारी साधन उद्योगमा क्रान्ति ल्याउने अनुमान गरिएको छ ।

फोटोन सवारीधनीहरूले सुरक्षित र ढुक्कको यात्राका लागि वर्षायामका चुनौतीहरूको सामना गर्न गाडीको आवश्यक मर्मतसम्भार गर्न सक्नेछन् भने विशेष छुट र थप सेवाहरू समेत पाउन सक्नेछन्।

मनसुनको भारी वर्षा नजिकिँदै गर्दा अचानक तपाईंको गाडी बिग्रेर हैरानी बेहोर्नुपर्ने अवस्था नआओस्। यसका लागि मेगा मनसुन सर्भिस क्याम्पले सवारीधनीहरूलाई आफ्ना गाडी लिएर सर्भिस सेन्टरमा पुग्ने, विज्ञ सेवा प्राप्त गर्ने र उपलब्ध विशेष छुट तथा सुविधाहरूको फाइदा उठाएर पैसा बचत गर्ने उत्कृष्ट अवसर प्रदान गर्छ।

मेगा मनसुन सर्भिस क्याम्पको मुख्य आकर्षण भनेको फोटोन सवारीहरूमा हुने बम्परदेखि बम्परसम्मको निःशुल्क चेकजाँच हो। यो बम्परदेखि बम्परसम्मको चेकजाँचले सबै फोटोन सवारीधनीहरूलाई फाइदा पुर्‍याउँछ, किनभने यसमार्फत गाडीको सम्पूर्ण अवस्था परीक्षण गरिन्छ। यस अन्तर्गत गाडीका मेकानिकल, इलेक्ट्रिक र स्ट्रक्चरल भागहरूको प्रत्यक्ष निरीक्षण गरिन्छ, जसले गाडी ठीकसँग काम गरिरहेको छ कि छैन र सुरक्षाको दृष्टिले उपयुक्त छ कि छैन भन्ने सुनिश्चित गर्छ। त्यसैगरी, ग्राहकहरूले निःशुल्क वास र ग्रिजीङ सेवा पनि प्राप्त गर्नेछन्, जसले मनसुनको मौसममा गाडीलाई खिया लाग्नबाट जोगाउनुका साथै चलायमान भागहरूको दीर्घायु र दक्षता कायम राख्न मद्दत पुर्‍याउँछ।

साथै, यस मेगा मनसुन सर्भिस क्याम्पमा स्पेयर पार्ट्स, लेबर चार्ज र लुब्रिकेन्टमा १५% छुट पनि उपलब्ध छ। ग्राहकहरूले यी अफरहरूको लाभ उठाएर आफ्नो गाडीको लामो आयु बढाउन सक्नेछन् र अकस्मात बिग्रने सम्भावना घटाउनेछन्, जसले यात्रालाई अझ सुरक्षित र ढुक्क बनाउँछ।

यो सर्भिस क्याम्प नेपालभरि फोटोनका ट्रक, भ्यान र अन्य कमर्सियल गाडीहरूका लागि मात्र उपलब्ध हुनेछ। इच्छुक ग्राहकहरूले फोन गरेर अग्रिम बुकिङ गर्न सक्नुहुन्छ जसले गर्दा धेरैबेर नपर्खी प्राथमिकता अनुसार सर्भिसको सुविधा पाउन सकिन्छ। फोटोन टोटल केयरको अनुभवी टोली छिटो र भरपर्दो सेवा दिन पूर्ण रूपमा तयार छ ताकि तपाईंले आत्मविश्वासका साथ वर्षायामको यात्रा गर्न सक्नुहोस्।