इन्टिरियर अपग्रेड: आराम र स्टाइलको संयोजन

Auto Parlours ले EV का लागि विशेष डिजाइन गरिएका फ्लोर म्याट, सीट कभर, र स्मार्ट फोन होल्डर उपलब्ध गराउँछ। यी सामानहरूले गाडीको भित्री भागलाई सफा, सुन्दर र आरामदायी बनाउँछन्। चाहे दैनिक यात्रा होस् वा लामो साहसिक यात्रा, यी एक्सेसरीहरूले तपाईंको अनुभवलाई थप सहज बनाउँछ।

सुरक्षा: तपाईंको मनको शान्ति

Auto Parlours मा सुरक्षालाई पहिलो प्राथमिकतामा राखिएको छ। टायर प्रेसर मोनिटरिंग सिस्टम (TPMS), रिभर्स क्यामरा र सेनसर, र EV–अनुकूल आगो निभाउने उपकरण जस्ता सामानहरूले दुर्घटना र जोखिमलाई न्यून गर्छ। यी उपकरणहरूले तपाईंको यात्रालाई सुरक्षित र तनावमुक्त बनाउँछ।

परफर्मेन्स र लुक: स्टाइलको नयाँ परिभाषा

Auto Parlours ले EV–Aero व्हील्स, सोलर रूफ प्यानल, र रूफ र्याक्स/बाइक माउन्ट जस्ता एक्सेसरीहरू प्रदान गर्छ, जसले तपाईंको गाडीलाई स्टाइलिश र बहुउपयोगी बनाउँछ। साथै, LED DRL र कस्टम लाइटिङ किट ले गाडीलाई आकर्षक र आक्रामक लुक दिन्छ। यी सामानहरूले तपाईंको EV लाई सडकमा सबैको ध्यान खिच्ने बनाउँछ।

विश्वस्तरीय सेवा: ७ दिनमै सामान तपाईंको हातमा

Auto Parlours को ग्लोबल सप्लाई चेनले विश्वको जुनसुकै कुनाबाट कुनै पनि एक्सेसरी ७ दिनभित्र नेपाल ल्याउँछ। “हामीले नेपाली बजारमा Fuel र EV दुवैका लागि प्रिमियमदेखि सामान्य एक्सेसरीसम्म समयमै उपलब्ध गराउने प्रणाली बनाएका छौं,” राजीव केसी बताउँछन्। यो प्रतिबद्धताले ग्राहकलाई भरपर्दो र छिटो सेवा सुनिश्चित गर्छ।

पारदर्शी अनुभव: विश्वासको आधार

Auto Parlours को एयर–कन्डिसन्ड लाउन्ज मा ग्राहकलाई स्वागत गरिन्छ, जहाँ ट्रान्सपरेंट ग्लास प्यानल मार्फत एक्सेसरीहरूको जडान प्रक्रिया प्रत्यक्ष हेर्न सकिन्छ। यो पारदर्शिताले ग्राहकमा विश्वास जगाउँछ र Auto Parlours को गुणस्तरप्रतिको समर्पणलाई झल्काउँछ।

किन Auto Parlours?

गुणस्तर: विश्वस्तरीय ब्रान्डका प्रिमियम एक्सेसरीहरू

विश्वास: पारदर्शी जडान प्रक्रिया र छिटो डेलिभरी

विविधता: इन्टिरियर, सेफ्टी र परफर्मेन्स एक्सेसरीहरूको विस्तृत रेंज

यदि तपाईं आफ्नो EV को कार्यक्षमता, सुरक्षा र सौन्दर्यतालाई नयाँ उचाइमा पुर्‍याउन चाहनुहुन्छ भने, Auto Parlours तपाईंको एकमात्र गन्तव्य हो। आजै भिजिट गर्नुहोस् र आफ्नो गाडीलाई अझ विशेष बनाउनुहोस्!

एमजी विन्डसर इभीको नेपाल आगमनसँगै एमजीले आफ्नो इलेक्ट्रिक मोबिलिटीको पोर्टफोलियो थप मजबुत बनाएको छ। भारतमा निर्मित यो गाडी व्यवहारिकता, सुविधा र प्रिमियम डिजाइनको उत्कृष्ट संयोजन हो, जसले नेपाली बजारमा व्यवसायिक प्रयोजन र ठूला परिवारका लागि नयाँ विद्युतीय समाधान प्रस्तुत गर्छ।

यस गाडीमा विशेष रूपमा १३५ डिग्रीसम्म रेक्लाइन हुने एरो लाउन्ज सिट, ६०४ लिटरको विशाल बुट स्पेस, र १५.६ इन्चको ग्रान्डभ्यू टच डिस्प्ले जस्ता आकर्षक फिचरहरू समावेश छन्, जसले यात्राको अनुभवलाई नयाँ स्तरमा पुर्‍याउँछ।

विन्डसर इभीमा ३८ किलोवाट आवरको ब्याट्री राखिएको छ, जसले ३३२ किलोमिटरको रियल ड्राइभिङ रेन्ज सुनिश्चित गर्छ। यसमा रहेको शक्तिशाली मोटर पावर ले शहर र हाइवे दुवैका लागि उपयुक्त बनाउँछ। साथै, वायरलेस चार्जिङ, एप्पल कारप्ले, एन्ड्रोइड अटो इन्टिग्रेशन, लेदरेट सिट र स्मार्ट फ्लश डोर ह्यान्डल जस्ता प्रिमियम फिचरहरू समेत उपलब्ध छन्।

सुरक्षाका दृष्टिकोणले पनि गाडी उत्कृष्ट मानिन्छ। यसमा ६ वटा एयरब्याग, IP67 रेटिङको वाटर/डस्ट प्रोटेक्सन, र ३९ वटा सेफ्टी टेस्ट पार गरेको प्रमाणित गरिएको छ। साथै, १८६ मिमि ग्राउन्ड क्लियरेन्स ले नेपाली भू–भागमा सहज र सुरक्षित ड्राइभ सुनिश्चित गर्छ।

लन्च कार्यक्रममा बोल्दै एमजी मोटर्स नेपालका प्रवक्ता सुनीलबहादुर क्षेत्रीले भन्नुभयो, “एमजी विन्डसर इभी ले स्पेस, कम्फर्ट र प्रिमियम फिचरहरूलाई एउटै विद्युतीय अनुभवमा समेटेको छ। हामी विश्वास गर्छौं कि यसले नेपालमा इलेक्ट्रिक मोबिलिटीको नयाँ युग सुरु गर्नेछ।”

पारामाउन्ट मोटर्स ले उच्चस्तरीय ग्राहक सेवा, बिक्रीपछिको भरपर्दो सपोर्ट नेटवर्क, र दिगो अटोमोटिभ समाधानप्रति निरन्तर प्रतिबद्धता जनाउँदै आएको छ। नेपालमा एमजी ब्रान्डअन्तर्गत एमजी ४ इभी, कोमेट इभी, जेडएस इभी, र एस५ इभी समेत बिक्रीमा छन्।

यामाहा रेजेडआर हाइब्रिड १२५ सी.सी.लाई नेपालको स्कुटर सेग्मेन्टमा सबैभन्दा उच्च माईलेज दिने स्कुटरका रूपमा गरिँदै आएको दाबीलाई सत्य साबित गर्न यस कार्यक्रमको आयोजना गरिएको हो। यामाहा रेजेडआर हाइब्रिड १२५ सी.सी. जस्तोसुकै भू-भागमा पनि सजिलै चलाउन सकिने र अरु कम्पनीका स्कुटरको तुलनामा उच्च माईलेज दिने कुरा प्रमाणित गर्न डिलरले काठमाडौँका आफ्ना २५ जना रेजेडआर हाइब्रिड १२५ सी.सी.का ग्राहकहरुलाई माइलेज च्यालेन्जमा सहभागी गराएको थियो।

कार्यक्रम यामाहा शोरुम ब्लू स्क्वाएर, नक्सालबाट सुरु भई दक्षिणकाली भिलेज रिसोर्टमा पुगेर सम्पन्न भएको थियो। स्कुटरले समतल बाटोमा मात्र नभई उकालो, ओरालो र खाल्डा खुल्डीमा समेत कस्तो पर्फमेन्स दिन्छ र कतिसम्म माइलेज प्रदान गर्छ भन्ने हेतुले उक्त स्थान रोजिएको हो। माईलेज च्यालेन्जमा सहभागी ग्राहकहरुलाई विभिन्न मनोरञ्जनात्मक खेलहरु खेलाउँदै रेजेडआर हाइब्रिड १२५ सी.सी.का बारेमा जानकारी समेत गराइएको थियो।

स्कुटरका बारेमा जानकारी गराउने क्रममा यामाहा नेपालका कार्यकारी निर्देशक तथा प्रमुख कार्यकारी अधिकृत दीपक कुमार अग्रवालले भने, “रेजेडआर १२५ हाइब्रिड विभिन्न आवश्यकता र सवारहरूको प्राथमिकता पूरा गर्न स्टाण्डर्ड, डिलक्स, प्रिमियम र प्रिमियम प्लस गरी चार स्ट्रिमहरूमा उपलब्ध छ। १४५ एमएमको ग्राउन्ड क्लियरेन्सको साथ मात्र ९९ किलोग्राम तौलको यस हल्का स्कुटरमा युनिफाइड ब्रेकिङ सिस्टम (यूबीएस), साइड स्ट्यान्ड इन्जिन कट-अफ फङ्सन र २१ लिटर अन्डर-सीट भण्डारण जस्ता सुविधाहरू छन्। स्टप एण्ड स्टार्ट प्रणालीले छोटो बिसौनीमा इन्जिनलाई स्वतः स्विच अफ गरी मूल्यवान ऊर्जा बचत गरेर इन्धन दक्षता अझ बढाउँछ।”

र्यालीको समापनमा माइलेज च्यालेन्जका विजेताहरूको नाम घोषणा गरिएको थियो जसमा ७३.३३ कि.मि. प्रतिलिटर माईलेजका साथ अनिशा श्रेष्ठ प्रथम, ६४.७२ कि.मि. प्रतिलिटर माईलेजका साथ काजल शाही द्वितीय तथा ५९.७५ कि.मि. प्रतिलिटर माईलेजका साथ शमशेर आलम तृतीय भएका थिए।

यामाहाको यस उत्साहजनक पहललाई साथ दिने सहभागीहरूलाई धन्यवाद तथा विजेताहरूलाई बधाई ज्ञापन गर्दै कार्यकारी निर्देशक तथा प्रमुख कार्यकारी अधिकृत अग्रवालले सेवाग्राहीप्रति आफ्नो उत्पादनको विश्वास बढाउन र सेवाग्राहीका अपेक्षाबारे जानकारी लिन यस किसिमका कार्यक्रमहरू आगामी दिनमा देशैभरि आयोजना गर्ने प्रतिबद्धता दोहोर्याए।

भेटमा अध्यक्ष चौधरीले बैंकको ऋण नीतिको कठोरताका कारण विद्युतीय तथा प्रिमियम सवारी साधनमा लगानीमा देखिएको समस्या, वित्तीय पहुँचको अभाव, ऋण प्रवाहको अव्यवस्था, र एक न्यायपूर्ण वित्तीय प्रणालीको आवश्यकतालाई प्रमुख रूपमा उठान गरेका थिए।

नाडाले प्रस्तुत गरेका पाँच प्रमुख सुझावहरू यसप्रकार छन्:

१. अटोमोबाइल क्षेत्रमा ऋण प्रवाहको व्यवहारिक कार्यान्वयन – एक वर्षअघि नेपाल राष्ट्र बैंकले अटो ऋण खोल्ने निर्णय गरेको भए पनि हालसम्म व्यवहारिक रूपमा बैंकहरूले ऋण प्रवाह नगरेको भन्दै तत्काल स्पष्टता र कार्यान्वयनको माग गरिएको छ।

२. Loan-to-Value (LTV) अनुपात न्यूनतम ७०% बनाइयोस

हालको ५०% (LTV) सीमाले ग्राहक तथा व्यवसाय दुवैलाई अवरोध सिर्जना गरेकोले सम्पूर्ण अटोमोबाइल्स सेगमेंटका लागि (LTV) लाई बढाएर यथार्थपरक स्तरमा ल्याउन आग्रह गरियो।

३. ऋण सुविधाका प्रक्रियामा लचकता – कडा नीतिका कारण मध्यमवर्गीय तथा तलबआधारित ग्राहकहरूले ऋण लिन असहज भएको भन्दै लचकता आवश्यक रहेको औंल्याइएको छ।

४. विद्युतीय र हाइब्रिड सवारीका लागि लक्षित ऋण योजना – दिगो ऊर्जा र वातावरणीय लक्ष्यलाई सघाउन विशेष ऋण, पुनःवित्तीयकरण र प्रोत्साहन कार्यक्रम ल्याउन सिफारिस गरिएको छ।

५. वित्तीय प्रणालीमा निष्पक्षता सुनिश्चित गर्न कडा नियमन – निश्चित डिलरहरूमा मात्रै ऋण लिन ग्राहकमाथि दबाब सिर्जना गर्ने र प्रतिस्पर्धी संस्थालाई अवरोध गर्ने व्यवहार अन्त्य गर्न राष्ट्र बैंकले कडा नियमन ल्याउन माग गरिएको छ।

छलफलमा अध्यक्ष चौधरीले अटोमोबाइल उद्योगले नेपालका राजस्व, रोजगारी, प्रविधि हस्तान्तरण र दिगो विकास लक्ष्यसँग प्रत्यक्ष सम्बन्ध राखेको भन्दै नीति, वित्त र व्यवहारबीचको सन्तुलन कायम गर्नुपर्ने बताए। नाडाका उपाध्यक्ष राजन बाबु श्रेष्ठले दीर्घकालीन आर्थिक नीतिसम्बन्धी अन्तरक्रिया कार्यक्रम नेपाल राष्ट्र बैंकसँगको सहकार्यमा सञ्चालन गर्ने प्रस्ताव राखेका थिए।

छलफलको अन्त्यमा गभर्नर डा. पौडेलले नाडाका सुझावहरूलाई गम्भीरतापूर्वक लिने र आवश्यक विषयमा छलफल र समन्वय गर्ने आश्वासन दिएका छन्। कार्यक्रममा नाडाका महासचिव विक्रम सिंघानिया, कोषाध्यक्ष मिलन बाबुमल, सहकोषाध्यक्ष पंकज अग्रवाल, केन्द्रीय कार्यसमिति सदस्य यमनु श्रेष्ठ र दिपेन्द्रकुमार मिश्रको उपस्थिति थियो।